Eit titals personar brukte heile onsdagen på å rydde opp sølet, som verken er farleg eller giftig. Ifylgje Firdaposten rann 10.000 liter fiskeolje ut etter at eit røyr sprakk.
Kommunikasjonssjef Peter Hagen seier til NRK at dei vil finne ut kva som gjekk gale.
– Det vi veit er at det var ein lekkasje. Det blir no straks sett i gang ei interngransking for å få påvist nøyaktig kva som har skjedd og korleis det har skjedd.
- LES OGSÅ:
- LES OGSÅ:
– Ikkje farleg for naturen
Flora brannvesen rykte ut og la ut lenser rundt utsleppet frå Ewos. Brannsjef Eivind Ask sa til
onsdag at dei då hadde pumpa opp mellom 8000 og 9000 liter av oljen. Han seier utsleppet ikkje har vore farleg for naturen.Til NRK ville Peter Hagen onsdag kveld ikkje seie altfor mykje om årsaka til utsleppet.
– Vi har førebels ein idé rundt det, men vi vil ikkje gå ut med det før vi kjenner alle fakta i saka.
– Korleis er det å oppleve at slikt skjer?
– Det er ikkje hyggeleg. Det er slikt som ikkje skal skje, det skjer svært sjeldan, og då er det godt å konkludere med at vi fekk mobilisert krefter raskt for å samle opp oljen.