Det toppa seg 19 august i år. Då var lukta frå fiskeforfabrikken så intens at det var umogleg for naboane å opphalde seg utandørs. Hendinga førte til Stein Malkenes sende ein klage til fylkesmannen
– Det var ein intens kvalmande stank som kom den kvelden, fortel Malkenes.
Han trur fabrikken vil vere takksame for å få tilbakemelding slik at dei kan forbetre seg.
Peter Hagen, kommunikasjonssjef i EWOS, seier han har full forståing for at lukta kan opplevast som lite hyggeleg.
– Luktutslepp er ei kjent utfordring i vår bransje og noko vi heile tida forsøker å bli betre på, seier Hagen.
EWOS set no i verk fleire tiltak.
– Det er ein kombinasjon av gjenbruk av varme i lufta og fjerning av støvpartiklar.