– For KrF sin del så er vi opptekne av å sikre oppstart av Vikafjellstunnel i første del av planperioden, seier leiar i transportkomiteen på Stortinget, Knut Arild Hareide (KrF).
Det var ein historisk champagneskål i Vik for to månader sidan. Ordførar Marta Finden Halset jubla over ei melding vikjene hadde venta på i femti år.
- LES OGSÅ:
Borgarleg tunnel-ja
Regjeringa gav grønt lys til å starta arbeidet med ein tunnel gjennom Vikafjellet i perioden 2018-2023, men for Finden Halset var ikkje arbeidet gjort med det.
– Vi skal jo brette opp ermene og prøve å jobbe tunnelen fram i første perioden i tilfelle, sa ordføraren til NRK.
Og det kan sjå ut som om dei borgarlege partia på Stortinget har lånt øyre til både ordføraren i Vik og til sine eigne fotfolk i Sogn og Fjordane.
– Kjempeviktig prosjekt
Når transportkomiteen på Stortinget skal handsama Nasjonal transportplan i morgon, vil både Krf, Høgre og Framstegspartiet skunda fram bygginga av ein tunnel gjennom Vikafjellet. Det er det gode grunnar til, meiner andre nestleiar i komiteen, Bård Hoksrud frå Frp.
– Dette er eit kjempeviktig prosjekt, og det er dårleg vinterregularitet der. Så vi ønskjer å trekkje prosjektet fram og få starta det opp i første del av planperioden, og så raskt som det er mogleg å kome i gang med byggjing, seier Hoksrud.
Lovar endring
Dei borgarlege partia har ikkje fleirtal på Stortinget. Men dersom det blir regjeringsskifte til hausten, lovar samferdslepolitisk talsperson i Høgre, Ingjerd Schou, at bygginga av Vikafjellstunnelen startar før 2018..
– Da vil jo Vikafjellstunnelen liggje der som ein prioritet i første del av perioden og ikkje i siste slik regjeringa tilrår, seier Schou.