Rolf Domstein er frå Måløy, og er konsernsjef i det internasjonale
fiskekonsernet Domstein. Han har som målsetjing å få framskunda oppstart av tunnelen, som opphavleg er planlagt til 2018.
– Vi skal gå gjennom og diskutere ambisjonsnivået, men det er klart at vi ønskjer å realisere tunnelen tidlegare enn det ein har lagt opp til i Nasjonal transportplan, seier Domstein.
Tidlegare styreleiar Per Sævik i Havila Shipping ASA har takka av som styreleiar grunna alder og stor arbeidsmengd.
Prosjektgruppa er svært tilfreds med å ha fått ein ny styreleiar frå næringslivet med lang politisk røynsle, stort nettverk og glødande engasjement for Stad skipstunel.
- LES OGSÅ:
Men nøyaktig kor mykje fram i tid, vil han ikkje seie noko om. Men konsernsjefen ser fram til å jobbe vidare med skipstunnelen.
– Det blir veldig interessant. Stad skipstunnel er, slik eg ser det, største samferdsleprosjektet på kysten i vår generasjon. Det å få vere med og ta prosjektet i hamn, det vert ei viktig oppgåve, seier Domstein til NRK.no.
- LES OGSÅ:
- LES OGSÅ:
Har nytte av politisk bakgrunn
Domstein har vore aktiv Høgre-politikar både på riksplan og lokalt, og var frå 1983 til 1987 ordførar i Vågsøy.
Han trur ikkje det er ein dum bakgrunn å ha med seg, for å jobbe opp mot den nye regjeringa.
– No kjenner eg folk i alle politiske parti, men det er klart eg har partibakgrunn i Høgre, og er også lokalpolitikar for Høgre, så det er viktig at ein jobbar gjennom Høgre og dei som sit i regjeringa i den fasen som står framfor oss, seier Domstein.
(Artikkelen held fram under videoen)
- LES OGSÅ:
- LES OGSÅ:
Kan bli oppstart i 2018
Alt sidan midten av 1980-talet har ein jobba aktivt for å få sprengt ut ein 1.800 lang skipstunnel frå Eide i Moldefjorden til Kjødepollen på nordaustsida av Stadhalvøya.
Først i 2013 kom tunnelen med i Nasjonal Transportplan, og det vart sett av éin milliard kroner. Truleg kan bygginga komme i gang i 2018.
Akkurat dét er viktig for Domstein å få stadfesta.
– Vi har eit vedtak i Nasjonal Transportplan om at prosjektet skal realiserast, og det som vert viktig no, er å få realisert prosjektet så raskt som mogleg. Og at dei som sit i regjering, stadfestar at dei meiner det same no, som dei meinte før valet, seier Domstein.