Vestavind Kraft har i dag base på Sandane.
Styreleiar Ole Bjørn Alvestad seier lokalisering av det nye selskapet til Bergen ikkje skal gå ut over Sandane.
Vestavind kraft har sju eigarar, mellom dei Sognekraft, Sunnfjord energi og SFE, og satsar på vindkraftutbygging mellom Haugalandet og Sunnmøre.
- Ingen gode argument for flytting
Heilt sidan det vart kjent at Vestavind kraft jobba med å etablere eit nytt selskap for offshore-vindkraft, lokalisert til Bergen, har det møtt motstand i Sogn og Fjordane.
Sogn og Fjordane tek mål av seg å vere i førarsetet for offshore vindkraft her i landet, og styreleiar i SFE, Arvid Lillehauge seier ingen så langt har overtydd han om at Vestavind treng eit nytt selskap og at det eventuelt må ligge i Bergen.
- Vil halde fram kampen
Fylkesvaraordførar Tor Bremer kjenner ikkje kva argument styret brukte i går, men meiner at sjølv om offshore-satsing på vindmøller er ny teknologi som krev mykje pengar og fagleg ekspertise, kan selskapet plasserast her, og vil halde fram kampen.