Ved Løno, like nord for Voss, er E 16 stengt på grunn av flaumen og dei veldige kreftene den har sett i sving. Vegvesenet vurderte ei stund å sleppa større bilar, som vogntog, forbi – men då dei forsøkte, heldt vegen på å rasa saman.
Vegvesenet jobbar no både med helikopter og gravemaskin for å løysa opp enorme ismassar som ligg i elva og sperrar. No trugar is- og vassmassane med å sprenga Grjotlandsbrua.
Bilistane pressar seg fram
Kvamskogen, Hardanger og området omkring Voss er altså blant dei som har fått merka vassmengdene best. NRK sin reporter på Kvamskogen, Oddgeir Øystese, kunne tysdag føremiddag fortelja om nærast kaotiske tilstandar då bilistane nekta å godta den stengde vegen:
– Det er jo litt av eit syn, ei rekke personbilar som tek fart og skal over det som har vorte ei elv. Resultatet er nokre merkelege harkelydar frå motoren, og eit par skilt og litt slikt som ligg att her, legg han til.
Tysdag føremiddag sendte Noregs Vassdrags- og Energidirektorat NVE ut flaumvarsel for Vestlandskysten, frå Hordaland og heilt opp til Sør-Trøndelag.
Der er utsiktene klare: Regn og snøsmelting vil føra til auka vassføring frå og med natt til onsdag. Dermed er det fare for isgongar, tette bekkeløp,røyr og slukar – og ikkje minst, auka fare for sørpe- og jordskred.
Les også:
| Nedbørsrekord | 40 vegar stengt av flaum på Vestlandet |
...Og verre skal det bli!
På grunn av tele i jorda, vert vassmengdene tvinga opp i overflata. Men på grunn av usikre utsikter for temperaturane, er det umuleg å seie kvar nedbøren vil koma som regn, og kvar det vil falla snø. Det som er sikkert, er at meterologane spår meir nedbør dei komande døgna.
Les heile flaumvarslet frå NVE her.