Nordic Mining og Statoil Hydro inngjekk ein ein avtale under oljemessa i Stavanger denne veka.
Nordic Mining eig gruveanlegget i Gudvangen, og samarbeidet skal resultere i ny og banebrytande teknologi.
Ved å bruke CO2 ti lå foredle anortositt frå Gudvangen, skal verdien av mineralutvinninga bli større. Prosessen skal munne ut i produksjon av aluminium.
Sekundært kan dette medverke til å redusere utslepp av CO2 i atmosfæren, heiter det i ei pressemelding frå Nordic Mining.
I første omgang skal anortositt frå Gudvangen nyttast i forsøka. Etterpå skal selskapa prøve ut om det er mogleg å binde CO2 i mineralet eklogitt frå Engebøfeltet i Naustdal.