Allereie same veka som fødeavdelinga ved Nordfjord sjukehus vart lagt ned strøymde dei fødande kvinnene frå regionen til sjukehuset i Volda. Men sjølv om det altså har blitt fødd ei rekkje nordfjordingar på sjukehuset i nabofylket har ikkje Helse Møre og Romsdal fått betalt, melder Sunnmørsposten.
Ifølgje avisa skal dei to helseføretaka ikkje ha blitt samde om prisen.
– Per i dag har vi ikkje fått på plass ein avtale med Helse Førde. Dei skal betale, men vi er ikkje blitt einige om kor mykje, seier administrerande direktør i Helse Møre og Romsdal, Astrid Eidsvik, til Sunnmørsposten.
- LES OGSÅ:
- LES OGSÅ:
I budsjettforslaget til Helse Møre og Romsdal er det førebels lagt inn ein kompensasjon på om lag 8,2 millionar kroner for dei vel 240 fødslane som til neste år er venta å kome frå Helse Førde sitt bustadområde.
Frå 1. oktober var det slutt på fødslar ved fødeavdelinga på Nordfjordeid, og sidan har dei fødande måtte ta turen til anten Førde eller Volda. Berre i dagane rett etter nedlegginga hadde seks nye verdsborgarar frå Nordfjord kome til verda ved sjukehuset i Volda.
- LES OGSÅ:
- LES OGSÅ:
- LES OGSÅ: