Tal frå Helsedirektoratet syner at over halvparten av dei som nyttar seg av dagens turnuslegeordning av utanlandsk opphav, med utdanning frå utlandet.
Fagdirektøren i Helse Førde, Hans Johan Breidablik er ein av fleire som fryktar dette kan gå ut over pasientane sin tryggleik. Ofte er dei ikkje gode nok.
– Vi som arbeidsgjevar er veldig ofte ikkje på trygg grunn når vi set desse i arbeid. Til dømes når vi set dei til å ha vakt på sjukehusa våre, seier Breidablik og legg til:
– Blandinga av språkvanskar og fagleg svakheit er den kombinasjonen vi er mest redde for.
- LES OGSÅ:
Problematisk for arbeidsgjevarane
I dag fungerer turnuslegeordninga slik at legestudentar blir fordelte på helseføretak gjennom loddtrekning.
Over halvparten av dei som nyttar seg av ordninga har ikkje legeutdanning frå Norge, og er heller ikkje av norsk opphav. Dette er problematisk for arbeidsgjevarane.
– Vi har veldig liten bakgrunnsinnsikt før desse turnuslegane står på døra vår og skal begynne jobbe, seier Breidablik.
- LES OGSÅ:
- LES OGSÅ:
– Definitivt ein risiko
Fagdirektøren for helseføretaket i Sogn og Fjordane er langt frå den einaste som opplever dette som problematisk. Også fagdirektør i Helse Fonna, Kjellfrid Laugaland er uroa.
Ho meiner det ikkje er tvil om at det er ein risiko når kommunikasjonen mellom pasientar og personale og personale seg imellom vert vanskeleg.
– Risikoen er definitivt til stades, seier Laugaland.
- LES OGSÅ:
(Artikkelen held fram under videoen)
Ei av årsakene til føreslått endring
Helsedirektoratet har no føreslått ein ny turnusordning, der legestudentar søkjer seg til helseføretak der dei beste blir plukka ut.
Otto Christian Rø som er avdelingsleiar i Helsedirektoratet fortel at problema med utanlandske turnuslegar er ei av årsakene til at ein ønskjer å leggje om dagens ordning.
– Den norske turnuslegeordninga er svært populær i utlandet, og det er ei stor utfordring for det norske samfunn, seier Rø.
– Kan dette gå ut over tryggleiken til pasientane?
– Vi kan ikkje sjå vekk frå at manglande kommunikasjon kan verke inn på tryggleiken til pasientane.