Uavgjort mellom Sogndal og Brann

Kampen enda 0 - 0.

Ikkje eit einaste sete var ledig då Sogndal møtte Brann på eit fullsett Fosshaugane Campus i flaumlyset. Brann på sølvjakt møtte eit lag frå Sogn som ville klatre på tabellen.

Første omgang var prega av duellar, knuffing og målsjansar for begge lag.

Brann-stoppar Bismarck Acosta fekk direkte raudt kort då han dytta Sogndal-spelar Henrik Furebotn, og Brann måtte spele med ein mann mindre. Laga gjekk til pause utan mål.

Det var like mykje tenning i andre omgang av kampen. Sogndal fekk sine to av tre gule kort under omgangen, medan Brann fekk to. Trilling av ball på midten prega spelet. Kampen enda med poengdeling.

Sogndal står med elleve uavgjorte kampar etter 26 spelte. Etter kampen mot Brann ligg Sogndal på ein niandeplass med 35 poeng. Sogndal har eitt poeng opp til Viking og fem poeng ned til Vålerenga, men med ein meir spelt kamp.

• Les også: Dei er klar for det som er meir enn ein fotballkamp

Møtt kvarandre 32 gonger

Laga har møtt kvarandre 32 gonger i øvste divisjon. På heimebane har Sogndal eit godt tak på bergensarane med elleve sigrar på seksten forsøk. Ein må tilbake til 2002 då Brann sist vann ein kamp i saftbygda.

• Les også: Klar for folkefest på heimebane

Dette var laget som starta mot Brann:

Mathias Dyngeland – Taijo Teniste, Hannu Patronen, Christophe Psyché, Jukka Raitala–Gilbert Koomson, Henrik Furebotn, Eirik Birkelund, Lars Christian Kjemhus–Martin Ramsland, Ole Amund Sveen

Eidaren Azar Karadas fekk kamp nummer 200 for Brann.