- Det var jamt, men eg slo Øystein Pettersen, og det er godt. I tillegg er det godt berre å komme i gang og få testa formen, sa Hjelmeset til NRK etter målgang.
- LES OGSÅ:
Vart slegen av Aa Djupvik
Han satsar denne sesongen utanfor landslaget, og var avhengig av ein topp prestasjon for å gå seg inn på verdscuplaget allereie frå sesongstart.
Men slik gjekk det ikkje: På 15 kilometer klassisk enda Hjelmeset på sjuandeplass - banka av vinnaren Martin Johnsrud Sundby med over minuttet.
I tillegg enda løparar som Eirik Kurland Olsen, Sjur Røthe og Roger Aa Djupvik framfor ringreven frå Gloppen.
Det betyr nok at han ikkje kjem med på verdscuplaget i denne omgang.
(Artikkelen held fram under biletet)
VIL TIL VM: Odd-Bjørn Hjelmeset har ingen planar om å gje opp VM-draumen om gull på 15-kilometeren.
Foto: Rune Fossum / NRKMå satse alt i Davos
Samstundes reknar han med at ein god prestasjon på Gålå om nokre veker er godt nok til å få sjansen i Falun.
Det er heilt avgjerande for Hjelmeset å prestere der - iallfall dersom han skal sjans på ein plass i VM-troppen.
- Odd-Bjørn gjorde et jamt bra renn i dag, men det er ikkje klassiskrenn før i Davos i desember, så han har tid på seg til å komme i endå betre form, seier landslagssjef Åge Skinstad til VG Nett.