Tankbil fylt med propan velta på E39

Ulukka skjedde på E39 i Jølster, like nedanfor Langhaugane på Vassenden i ettermiddag. Tankbilen hadde køyrt i grøfta og tilhengaren som var fylt med propan, hadde velta. Føraren vart ikkje skadd i ulukka.

Oppretta sikkerheitssone

Politiet oppretta ei sikkerheitssone på 300 meter rundt tankbilen etter ulukka.

– Tankbilen er fylt med propan, men det er ikkje meldt om lekkasje. Vi tek alle forhandsreglar og trekker andre bilistar vekk, og sperrer eit område på 300 meter rundt tankbilen, sa leiar ved operasjonssentralen i Bergen.

Politiet valde å evakuere personane i husa som var nærmast ulukkesstaden.

Manuell dirigering

Vegen var stengt i lang tid etter ulukka. No har politiet byrja å dirigere trafikken forbi tankbilen.