Det har ikkje vorte arbeidd med å montere kraftmaster på Ørskog-Fardal-linja sidan midten av november, då arbeidet vart avslutta grunna dårleg ver i haust. Det skal byggjast 800 master mellom Fardal i Sogn og Ørskog på Møre.
Det italienske firmaet Consorzio Italia har strekninga Ørskog-Hundvikfjorden, medan det kroatiske firmaet Dalekovod skal setje opp master vidare ned til Sogn. Men i midten av november vart arbeidet lagt ned, ei vurdering teke på bakgrunn av det dåreleg haustvêret, seier informasjonsrådjevar i Statnett, Martha Hagerup Nilson.
- LES OGSÅ:
- LES OGSÅ:
Kjem att i januar
– Arbeidet er avslutta for året, men vi vil starte opp att i månadsskiftet januar / februar. Når ein byggjer master på ein måte som skal minimere inngrepet i naturen, så vert mastene flydd inn til kvart einskild mastepunkt med helikopter. Når det ikkje er flyvêr, så får ein heller ikkje bygd noko, seier Nilson.
Trass i stabilt vintervêr, vert ikkje arbeidet starta opp att før i månadsskiftet januar/februar. Først då kjem dei utanlandske arbeidarane tilbake frå Italia og Kroatia. Dermed vert linja ytterlegare forseinka.
- LES OGSÅ:
Ligg etter skjema
I tillegg til vêrproblema har Statnett også hatt utfordringar knytt til fundamentarbeidet i haust. Dermed ligg Statnett noko etter skjema når det gjeld oppsetjing av master.
– Noko etterslep vart teke att på seinhausten og resten vil bli teke att i løpet av 2013 og 2014. Eg kan stadfeste at kvaliteten på arbeidet er veldig bra og utført i høve dei krava vi stiller, seier Nilson.