Steinras stenger riksveg 7 over Hardangervidda
Riksveg 7 over Hardangervidda er stengt ved Halne Fjellstugu. Årsaka er eit jord- og steinras, melder vegtrafikksentralen.
– Vi veit at det dekker vegbanen. Entreprenøren er på veg med ein hjullastar, og har ein liten time å køyre dit, seier trafikkoperatør Remi Lian.
– Raset gjekk rett på austsida her og det står køar i begge vegar. Alt stopper opp, og vi får mange gjestar som vil ha ein matbit, seier Geirmund Tormodsgard, dagleg leiar i Halne Fjellstugu.