Det er ikkje utan vidare lukrativt å ha idretten som levebrød. Det viser skatteoppgjeret til idrettskjendisane i Hordaland. Medan eliteseriespelarane er lønsvinnarane er toppseriespelarane dei som tener minst.
Tina Algrøy og Petter Vaagan Moen har begge hatt sine beste fotballsesongar i 2010. Medan Vaagan Moen har notert seg for 13 fulltreffarar for Brann har Algrøy netta 12 gongar for Arna-Bjørnar sitt toppserielag.
Men gapet mellom kva dei to hadde i inntekt i skatteåret 2009 er svimlande.
Sjølv om Vaagan Moen tener gode pengar på fotballen er han ikkje heilt i toppskiktet på Brann stadion. Kollega Gylfi Einarsson er blant dei som tente absolutt best i fotball-Norge.
Stabæk-spelar Lise Klaveness er den av fotballjentene frå Hordaland som tente mest i 2009. Men i motsetnad til kollegaane på Brann stadion er det frå andre arenaer enn fotballen brorparten av pengane kjem.
29-åringen frå Frekhaug er ved sida av fotballen tilsett som advokat i Advokatfirmaet Hjort.
Søk i skattelistene for 2009 her!
Tallene er basert på de foreløpige ligningstallene, og kan bli endret etter klager.
Les mer om hva tallene betyr: