Dermed ser det likevel ut til å gå mot seriepremiere på Fosshaugane 17. mars.
Kvifor undervarmen plutseleg byrja å fungere i helga, er uvisst. Men det viktigaste for Sogndal Fotball er at dei no ser isen minke.
– Vi ser allereie no resultatet, konstaterer dagleg leiar Egil B. Mundal.
Undervarmen har ikkje fungert skikkeleg sidan kunstgrasmatta vart rulla ut i fjor sommar.
I vinter har isen og snøen lagt seg tjukk på Fosshaugane og før helga vart
vitjar bygda om knappe to veker.I dag vart trakkemannskap hyra inn for å få fortgang på arbeidet. Dette er den same gjengen med pensjonistar som i årevis gjorde ein stor jobb med å trakke ned den gamle grasbana før og etter kvar einaste heimekamp.
– Formidabel innsats
– No har vi kalla inn trakkegjengen som velvillig stiller opp for oss med å få overflateisen vekk frå bana. Vi registrerer med glede at varmen frå undersida har byrja å gje effekt. Så må vi løyse det og frå oversida, slik at vi får brøyta vekk den isen som ligg att, seier Mundal til NRK.
– Kva tykkjer du om innsatsen til pensjonistane som har stilt opp her i dag?
– Det er velig kjekt, og dei gjer ein formidabel innsats. Det er stas at dei stiller opp for laget og bygda.
- Gledeleg
Problema med undervarmen har ført til mykje prat og mange spekulasjonar i Sogndal. No vonar Mundal at ein ser ei løysing på dei store utfordringane.
– Systemet har vore på i ei veke, så vi har bidrege med straumkostnader til Sognekraft her ei stund alt. Det som no er gledeleg å sjå er at ute på bana så ser ein no at isen forsvinn, og at det kjem varme frå undersida. Det har vi ikkje opplevd før no i helga, fortel Mundal.
Får løn i himmelen
– Du er gjerne litt meir optimist no enn du var i helga kanskje?
– Ja, dette er veldig gledeleg dette her sjølvsagt.
Ein av dei som i heile føremiddag har brukt tid og krefter ute på kunstgraset er Sogndal-entusiast og pensjonist Endre Gjerde frå Leikanger.
– Det er storarta at vi pensjonistane ikkje blir gløymde, og får vere med å gjere denne jobben. Vi har blitt lova vår løn i himmelen, gliser humoristen og dugnadsmannen Gjerde.