Harald Heimestøl frå Holsen i Førde er framleis skjelven etter det han opplevde i i 21.30-tida 1. juledag. Fleire tre og rotvelter stengde riksveg 13, og han drog ut med traktoren for å rydde opp.
-Medan vi heldt på å skuve vekk eit stort tre, fall eit anna stort tre ned rett ved sidan av traktoren. Det var veldig uhyggeleg og det var om å gjere kome seg i hus snarast råd, fortel Heimestøl.
Som nyttårsorkanen i 1992
Fleire tre og rotvelter ligg no og stengjer vegen.
-Vinden var som enorme trykkbølgjer, på same måte som nyttårsorkanen i 1992. Eg håper at ingen kjem til skade eller blir drept, for dette er farleg, seier Heimestøl.