Nordfjordingen starta dagen bra då han klinka til med 250 poeng og 23 innertiarar då det gjaldt som mest under den innleiande skytinga.
Han var dermed i tet framfor finalen i juniorklassen. Også der skaut han bra og fekk 100 poeng og trefte åtte innertiarar.
– Han fekk totalt 350 poeng, men skaut for få innertiarar i finalen til å sikre seg førsteplassen, seier Jørn Njøs som er NRK sin skyttarekspert.
Håkon Sætre er nøgd med dagens skyting og tykker ein 4. plass og medalje er bra.
– Eg er veldig nøgd, for eg hadde ikkje så store forventningar på konkurransen på førehand, seier han.
Jørgen Skivenesvåg frå Hyllestad kom på 12. plass med 349 poeng.
- LES OGSÅ:
- LES OGSÅ:
7. plass til Helene
Det blei også bra skyting i klassen for eldre rekrutt. 14 år gamle Helene Vikøren frå Farnes skyttarlag i Årdal sikra seg ein sterk 7. plass etter at ho skaut 100 poeng og åtte innertiarar. Ho kan dermed ta med seg ein medalje heim.
Benedicte Oppedal frå Oppedal/Brekke fekk 348 poeng og enda på 40. plass, medan Reidar Berge frå Vadheim skaut seg til ein 55. plass med same poengsum.
I norgestoppen
Jørn Njøs seier desse ungdommane har gjort det svært bra hittil under landsskyttarstemnet.
– Her er alle dei beste i Norge, så du er heilt i toppen når du er i finalen her, seier han.
- LES OGSÅ:
- LES OGSÅ: