17-åringen har vore sakna sidan i 9. juli og det har vore brukt store ressursar på å finne henne.
- Vi kan ikkje leite med miniubåt på måfå lenger. No tek både pengar og idear snart slutt, seier Helge Rørvik, som er koordinator for den private leiteaksjonen.
Forsvann i juli
Tre månadar etter at Charlotte Moene forsvann vert det framleis leita etter 17-åringen i Årdal. Den offentlege leiteaksjonen vart avslutta i august. Men bygdefolket samla inn fleire hundre tusen kroner som har halde leitearbdeidet i gang. Blanta anna har det vore drive overflatesøk på Årdalsvatnet kvar kveld, i tillegg har det vore brukt ein miniubåt og dykkarar.
Avhengige av bra ver
Rørvik seier dei no hentar likhundar frå Sverige i det som kan bli det siste forsøket på å finne jenta.
- Dei kjem neste veke under føresetnad av at verprognosane er bra. Dei nyttar små båtar og er avhengige av stabilt ver for å kunne leite. Viss hundane markerer må vi ha ein miniubåt som kan gå ned og sjekke. Då snakkar vi om 60.000 kroner døgnet.
Minkar på pengane
Men no er også 700.000 innsamla kronene byrja å ta slutt.
- Vi har rundt 200.000 kroner igjen, men vi har vi prøvd alt frå synske til dykkarar og miniubåt.