– Mannen framstod først medvitslaus, men vakna litt til, sjølv om han framleis hadde nedsett medvit, seier operasjonsleiar Per Algrøy i Vest politidistrikt.
21-åringen vart tatt hand om av helsepersonell, og er no køyrd til Haukeland universitetssjukehus.
Politiet er på staden og undersøker kva som har skjedd.
– Det er ingen indikasjonar på noko kriminelt, men det er førebels uklart kva som har skjedd. Han låg i lagerrommet, tilsynelatande ikkje fysisk skadd, seier Algrøy.
Mannen er tilsett på marinebasen, og vart sist sett der torsdag 11. juni klokka 15.
Stor leiteaksjon
I samråd med Hovudredningssentralen på Sola starta politiet fredag ettermiddag søk etter han inne på det militære området.
I tillegg til Forsvaret deltok store ressursar frå frivillige i leitinga: Røde Kors, Norske redningshunder og Norsk folkehjelp. Politiet organiserte aksjonen
Laurdag føremiddag forklarte Algrøy at det vart finsøkt etter 21-åringen på heile Haakonsvernbasen, både utandørs og inne i bygningar. Det vart også gjort strandsøk frå sjøsida.
Mannen vart funne rundt klokka 14.
Korrigering: Politiet opplyste først at mannen var i førstegongsteneste. Dette retta politiet 13. juni klokka 12.26.