- Eg har teke meg litt av denne hjorten. Eg pratar med den kvar einaste dag, ler Tor Otto Kjelsnes.
Han bur i Brandsøya ved Florø, og har dei siste tre-fire åra hatt nærgåande hjort i sin eigen hage i skogkanten, skriv Firdaposten.
No har den eine blitt så tam, at den tek imot mat både frå handa og munnen til Kjelsnes.
- LES OGSÅ:
Vil ha noko godt frå matfar
Det heile byrja for fire år sidan, då to hjortar med merke nummer 33 og 39 frå viltnemnda dukka opp i hagen. Om sommaren forsvann dei til skogs, men om vinteren dukka dei stadig opp igjen.
- Ein dag eg stod og monterte ei varmepumpe, hadde eg ikkje tid til å prate med dei, seier Kjelsnes til NRK.
- Då reagerte den eine med å slå med framføtene for å varsle om at dei var der - dei ville ha noko godt, humrar han.
- LES OGSÅ:
Jegerar skaut den eine hjorten
No er ikkje «39» lenger fast innslag i hagen, etter at jegerar i skogkanten fann det for godt å skyte han - like ved hagen til Kjelsnes.
- Då ropte eg til dei: «skyt de husdyr?». Eg håpa at kjøtet ikkje smakte godt, og det gjorde det visst heller ikkje - hjorten var nok sjuk, seier han.
(Artikkelen held fram under biletet)
Kallar berre hjorten for «33»
No er berre «33» igjen, men hjorten har blitt desto tammare overfor matfar. Likevel er det ikkje aktuelt å gje dyret eit meir personleg namn.
- LES OGSÅ:
- Nei, 33 er blitt eit namn no, seier Åshild Kjelsnes.
- Vi reiser mykje i jobben, og kan ikkje ha hund. Men vi har på sett og vis kjæledyr likevel, ler ho.
Sjå videoklipp frå yotube.com: