– Eg tykkjer det er rart at dei ikkje syner til at i alle fall personbilar like lett kan køyre via fylkesveg 57 og krysse ved ferjeleia Sløvåg–Leirvåg eller køyre til Duesund og ta kabelferja til Masfjordnes, seier Trude Brosvik, KrF-politikar frå Gulen.
Sundag blei fleire bilar tekne av eit snøras på E39 sør for Masfjordtunnelen i Romarheimsdalen. 11 personar opplevde marerittet då bilane dei sat i bei begravde av snøraset. To personar og eit lite barn fekk kuttskadar da snømassane knuste bilrutene.
- LES OGSÅ:
Vegen blir stengd fram til måndag.
Lang omkøyring
REAGERER PÅ LANG OMKØYRING: Trude Brosvik, KrF-politikar frå Gulen.
Foto: Johan Moen / NRK– Både Sløvåg–Leirvåg og Duesund–Masfjordnes er begge omkøyringsvegar for der raset har gått i Romarheimsdalen, og langt kortare enn omkøyringa Statens vegvesen rår til.
– Det handlar om at det er avgrensa kapasitet på desse ferjeleia, seier Hanne Nordheim ved vegtrafikksentralen i Bergen.
Ventar stor trafikk
E39 er hovudsambandet mellom ytre deler av Sogn, Sunnfjord og Bergen, og går gjennom Romarheimsdalen. Det er stor trafikk på vegen, spesielt sundag når vinterferien blir avslutta i bergensområdet.
LANGE KØAR: Køen på ferjeleiet i Duesund var sundag kveld opp til ein kilometer lang.
Foto: Marie Stafsnes Osland / NRK– Med heimfarten frå vinterferien så meiner vi at det er E16 som har kapasiteten til å ta unna trafikken. Men sjølvsagt ferjeleia er der, og er til for å brukast. Vegen er nok kortare men kapasiteten er avgrensa.
Vegvesenet seier til NRK at dei har sjekka moglegheitane for å senda ferja til Rutledal istaden for Oppedal. Dei har også forhøyrt seg om kapasiteten på Leirvåg - Sløvåg kan utvidast.