Ras i Sveio: Éin person henta ut
Politiet melder om at det skal ha skjedd ei arbeidsulykke i Valevåg i Sveio. Det er snakk om eit steinras. Naudetatane er på plass.
– Det er snakk om eit steinras i forbindelse med arbeid. Ein person er tatt ut av raset, fortel Svein Nesse i 110-sentralen.
Politiet skriv på Twitter at ingen andre er skadd, og at ingen er sakna.
– Tilstanden til personen må vi komme tilbake til, men det framstår som alvorleg, seier Thomas Nordvik i Sørvest politidistrikt til BT.
Ifølge Nesse i 110-sentralen var brannvesenet med på å redde ut personen.
– Me er framleis på staden for å undersøka området, seier han.