Politiet legg vekk sak etter grovt ran
Politiet har avslutta etterforskinga etter eit grovt ran i Knarrevik på Sotra i fjor haust. Det skriv Bergens Tidende.
Dei har ikkje lukkast med å finna ein gjerningsperson, trass både teknisk og taktisk etterforsking.
Det var ein septemberdag i fjor at ein mann med kniv tok seg inn i huset i Knarrevik. Inne i huset var det ei kvinne med fleire små barn. Der trua han til seg fleire gjenstandar. Kvinna vart køyrt til legevakta etter hendinga, og i ettertid måtte dei flytta til ny adresse.