Her har dei søkt etter Veronica (22)

– Eit vitne som køyrde frå Sogndal til Hafslo har forklart at han såg to personar med fleire kassar eller bagasje som sat i busskuret ved Årøy. Ein tredje person såg ut til å prate med føraren av ein mørk kassebil som stod parkert på ei avkøyrsle like ved busstoppen, seier regionlensmann Asle Karoliussen.

• LES OGSÅ: Helikopter, ubåt og 15 politifolk med i søket
• LES OGSÅ: Politiet ber om tips for å finne Veronica

22 år gamle Veronica Heggheim Stegegjerdet vart sist sett laurdag 25. oktober. Sidan tysdag 28. oktober har store leitemannskap søkt etter den sakna kvinna i området kring heimen hennar i Årøy.

(Artikkelen held fram under TV-saka)

Torsdag 6. november har det vore leita både helikopter og miniubåt, og laurdag kan all som ynskjer bidra i ein storaksjon.

• LES OGSÅ: Set miniubåt inn i søket etter sakna
• LES OGSÅ: Leiteaksjon etter kvinne i 20-åra i Sogndal

Tipset om den mørke bilen og dei tre personane ved busskuret, er eit av fleire som politiet har fått inn. Det som gjer akkurat dette tipset så interessant for politiet er at dei så langt ikkje har klart å få det verifisert via andre vitne.

– Difor går vi no ut og ber om opplysningar i forhold til den observasjonen. Vi ber dei som måtte ha kunnskap om dette om å ta kontakt med politiet.

Politiet har no oppretta eit eige nummer for å samle tips i saka om den sakna kvinna. Dei som har tips kan ringe 57 75 88 00.