Politiaksjonen på Stord: Mann slo politiet med batong
Ein mann i 40-åra, som fredag vart arrestert i ein politiaksjon på Aker Solutions på Stord, skal ha slått ein politibetjent med batong. Det stadfester politiadvokat Mads Lerum til NRK. Politibetjenten vart frakta til sjukehus etter hendinga, men vart utskriven same dag.
Den sikta mannen er framleis ikkje avhøyrt av politiet, opplyser Lerum.
Mannen sin forsvarar, advokat Per Ivar Hessen, ville måndag morgon ikkje kommentera saka. Han skulle då i eit møte med den sikta mannen.
Det var BT som først meldte om batongen.