Kinn Bryggeri planlegg nytt juleøl

Det vesle bryggeriet i Florø har fått strålande kritikkar for årets juleøl både hos VG og bladet Aperitiff.

I dag vart dei siste flaskene med Julefred tappa og sett på lager. Om litt starter dei produksjonen til neste år.

– Vi er allereie byrja å tenke på neste jul. Det er noko som heiter «Never change a winning team» og vi skal ikkje tulle med julefreden vi har no. Men eg har planlagt eit alternativt juleøl til neste år. Det blir eit ekstra sterkt juleøl som vi skal byrje å brygge rett over nyttår, fortel Espen Lothe.

• LES OGSÅ: Juleølet utseld på eit døgn

Slår dei store

Bryggeriet starta opp i desember 2009. Dei selde 33 000 liter med øl første året. Det var ti prosent over budsjettet.

I år har juleølet frå Florø fått bein å gå på. Gode kåringar i konkurranse med dei store bryggeria hjelper også godt på.

– Eg hadde vel eit håp om at vi skulle klare det kvalitetsmessig, men den volumauken vi har hatt hadde eg aldri drøymt om, seier Lothe.

• LES OGSÅ:
• LES OGSÅ:

Sjølvlaga oppskrift

Vinmonopolet har att berre nokre få flasker, medan butikkutsalet i kystbyen også er tomt. Etter at flaskene er tappa, godgjer flaskene seg i ei veke på lageret.

– Men her har vi noko på gang, og vi reknar med å ha meir i slutten av veka, seier Lothe, som sjølv har laga oppskrifta på Julefred.

Medan føremiddagen måndag gjekk med til å avslutte årets Julefred-produksjon, går ettermiddagen til å starte opp att produksjonen av Vestkyst.

• LES OGSÅ: Stor suksess for lokalt øl