– Styresmaktene har dei seinare åra vore alt for opptatt av sidemålsundervisninga og brydd seg alt for lite om hovudmålsundervisninga i skulen, seier Grepstad.
Ottar Grepstad er direktør i Nynorsk Kultursentrum. Han fortel at kvar tredje nynorskbrukar skiftar til bokmål ein gong etter at dei har fylt 15 år. Likevel er det færre som skiftar til bokmål i dag enn det var tidlegare.
Språkpress
Det er fleire grunnar til at ungdom skiftar frå nynorsk til bokmål. Fleire ser på nynorsk som eit språk med mindre prestisje, andre bytar målform for å gjere opprør. Men den viktigaste grunnen er i følgje Grepstad at ungdom vert utsett for språkpress.
– Det er ønskjeleg å arbeide for at fleire held på språket sitt, meiner direktøren.
