NVE varslar moderat fare for jordskred, flaumskred og utglidingar grunna mykje regn og snøsmelting.
Bratte skråningar, samt bekkar og elveløp med stor vassføring er spesielt utsett. NVE oppmodar til reinsing av dreneringsvegar og stikkrenner.
- SJÅ: Vêrvarselet på yr.no
– Det er sendt ut flaumvarsel for heile fylket, men nedbøren blir nok mest intens i ytre strok tysdag kveld, seier statsmeteorolog Aslaug Skålevik Valved.
Våt tysdagskveld
Sogn og Fjordane har nett lagt bak seg nok eit uvêr med mange ras og store øydeleggingar. Dei
. Tysdag kan det altså vere «på'an igjen». Vått blir det også i nordlege delar av Hordaland.- LES OGSÅ:
Vêrvarslinga på Vestlandet åtvarar mot lokalt store nedbørsmengde, opp mot 60 millimeter på eit nedbørsdøgn. Det meste kjem på kveldstid og verst blir det truleg i ytre strok.
(Artikkelen held fram under biletet)
– Vi går inn i varm sektor, området mellom ein varmfront og kaldfront. Det blir veldig mildt og temperaturen vil auke med i alle fall seks grader, fortel Skålevik Valved.
Ventar flaumskade
Ein treng ikkje vere rakettforskar for då å skjøne at snøen som har lagt seg over fylket vil smelte. Saman med lokalt store nedbørsmengder kan det bli vel mykje vatn i jorda og elve/bekkefar.
- LES OGSÅ:
– Berre på bakgrunn av nedbøren åleine, er det sendt ut obs-varsel. Saman med snøsmeltinga så kan det bli lokale flaumskader, seier Skålevik Valved.
– No har vi nett lagt bak oss uvêr og mange ras. Blir det like gale no?
– Det er ein litt annan vêrtype som kjem no. Sist var det mykje vind i kombinasjon med regn. Men faren er definitivt til stades for ras.