Det er næringslivet i Nordfjord som har bede fylkespolitikarane om å greie ut eit alternativ til Sandane Lufthamn. Bakgrunnen er dei nye tryggleikskrava til dei regionale flyplassane.
Flyplassen på Anda kan få problem med å innfri dei nye krava. Difor vil initiativtakarane i Nordfjord at fylkeskommunen skal vere i forkant, dersom tryggleikskrava får følgjer for flyplassen i regionen.
Fylkesrådmann Per Drageset
Men i sitt notat skriv fylkesrådmann Per Drageset mellom anna at han har merka seg at det ikkje er eit samla næringsliv i Nordfjord bak kravet om utgreiing av ein alternativ flyplass. Han slår fast at hans vurdering er at det ikkje er aktuelt å støtte planane om ei utgreiing.