- Når ein i etterkant såg at fangane som rømde både hadde skytevåpen og kniv, så er det klart ein vert uroa, seier rektor Ole Jørgen Øygarden ved Flatbygdi skule til NRK.no.
- Redde for kva som kan skje
Han har ansvaret for over 200 born ved skulen som ligg som næraste nabo til fengselet.
I byrjinga av februar såg to fangar sitt snitt til å stikke av. Midt på lyse dagen hoppa dei over gjerdet, stal ein båt og la ut på Sognefjorden.
- LES OGSÅ:
Under flukta stal dei to unge mennene to jaktrifler, og då dei vart pågripne hadde dei også fleire knivar i båten dei hadde stole.
- Vi er uroa for kva type fangar som er ved fengselet. Eg har aldri opplevd noko ubehageleg, men vi er uroa for kva som kan skje, seier Øygarden.
- LES OGSÅ:
(Artikkelen held fram under biletet)
STAL BÅT: Dei to fangane som rømde frå Vik fengsel 5. februar stal denne båten og la ut på Sognefjorden. Her fann politiet to jaktrifler og fleire knivar.
Foto: Per Kristian Grimeland / NRKHar forståing for uroa
Også i fjor vår stakk to fangar av frå fengselet, og fengselsleiar Roy Stadheim har sagt at fengselet har fått tøffare innsette med åra.
- LES OGSÅ:
- LES OGSÅ:
- Eg forstår at folk vert uroa. Men då fangane som rømde for halvanna veke sidan vart pågripne hadde dei ikkje med seg våpna. Dei låg att i båten og vart ikkje brukt til å true med, seier Stadheim.
Ved fengselet har dei no gått igjennom rutinane sine for å hindre at slikt skjer. Dei seinare åra har fengselet fått innsette med store rusproblem og psykiske lidingar.
Det er difor viktig for fengselsleiinga å styrke helsetilbodet til desse slik at dei finn seg betre til rette.
- Vi ønskjar å låse folk ut i ein betre tilstand enn då dei kom inn. Eit godt helsetilbod kan gjere dei betre rusta til å ta hand om seg sjølv, og det vil minske risikoen for rømming, seier Stadheim.