– Me kan førebels ikkje seie mykje om skadeomfanget, men føraren er ved bevisst tilstand, seier operasjonsleiar Frode Kolltveit i Vest politidistrikt.
Ifølgje Kolltveit skjedde ulukka i forbindelse med at MC-føraren køyrde på ein personbil bakfrå. Mannen, som er i 50-åra, fekk behandling av ambulansepersonell på staden, før han vart frakta vidare til sjukehuset.
– Det er meldt om store smerter, seier Kolltveit.
Hendinga skal ha skjedd i forbindelse med at bilen framfor var i ferd med å svinge av frå E39, like ved rasteplassen på Svidalsneset. Ulukka skjedde i ei 80-sone. Det er ikkje opplyst om skade på dei to som var i bilen framfor.
Vegen, som har vore stengt i begge retningar i ein times tid, skapte store køar. Den er no opna igjen.
