«Urd» ser ut til å ha herja frå seg, utan at det har ført til dei heilt store skadane i Sogn og Fjordane.
PATRULJE: Mats Kirkedelen og kollegaen passer på at folk ikkje set seg sjølve i fare i den kraftige vinden i Florø.
Foto: Arne Stubhaug / NRKPolitiet har fått ein del meldingar om trevelt og lause leidningar. Også takplater skal ha losna.
– Det har eigentleg vore lite i forhold til det vêret som har vore her i dag. No seier dei at det skal roe seg utover kvelden, seier politibetjent Mats Kirkedelen.
SJÅ: Ei bølgje slår over kaien i Ervik. (FOTO: BJØRN ERIK SJÅSTAD)
Politibetjenten er ute for å sikre at personar ikkje set seg i fare på grunn av den kraftige vinden og veldige sjøgangen. Redningsskøyta Kristian Gerhard Jebsen ligg til kai i beredskap.
Skipper Vidar Johannessen seier at dei målte vindkast på 40 meter i sekundet.
– Det er ganske kraftige vindkast, seier han og minner om at grensa for orkan går på 32,7 meter i sekundet.
Både Johannessen og Kirkedelen oppmodar folk om å halde seg vekke frå sjøen.
– Folk bør halde seg langt vekke frå der bølgjene bryt. Folk bør haldee seg heime. Det er veldig skummelt å bevege seg ned på svaberga. Ein skal ikkje langt ut i fjorden før vi har havdønningar, seier han
