Bilen med fire ungdommar i køyrde i fjellveggen ved Haus på riksveg 15 i Eid kommune laurdag ettermiddag.
Les også:
Alle er unge
Ein 19-åring vart alvorleg skadd, mens fjerdemann, sjåføren, slapp frå ulykka med lettare skader.
Ein av dei fire døydde på staden og éin døydde seinare laurdag kveld.
– Alle er tenåringar, seier operasjonsleiar Per Rimmen i Sogn og Fjordane
politidistrikt.
Ingen luftambulanse
På grunn av flyforbodet måtte den skadde 19-åringen fraktast i ambulanse til Bergen i staden for i helikopter, ein tur som tek fleire timar.
Klokka 10.45 får NRK Sogn og Fjordane opplyst ved Haukeland universitetssjukehus at mannen er alvorleg skadd og tilstanden hans er ustabil.
– Vedkommande får behandling ved intensivavdelinga, opplyser pressevakta.
Politiet fekk melding om ulykka klokken 15.15 laurdag. Bilen var på veg austover frå Måløy i retning Eid då det gjekk veldig gale.
- Ulykkeskommisjonen er kopla inn i saka, slik dei blir ved alle større ulykker. Dei vil delta under heile åstadsgranskinga, seier operasjonsleiaren.
Krisehjelp
Alle dei fire gutane er heimehøyrande i Vanylven kommune på Sunnmøre, omlag tre kvarters køyretur frå ulykkesstaden i Nordfjord. Det bur kring 3.500 innbyggjarar i Vanylven.
Fleire kriseteam jobbar med å ta seg av dei pårørande. Det er oppretta kriseteam ved Nordfjord sjukehus på Eid, og på Åheim i Vanylven.
(NTB / NRK Sogn og Fjordane)
TILDEKKA: Ulykkesbilen vart dekka til i påvente av at Statens vegesen sin ulykkeskommisjon skulle komme til staden.
Foto: Øystein Torheim