Avinor har sagt at det er heilt nødvendig å forlengje rullebana, både av omsyn til tryggleiken men også for å stette opp om EØS-krav og i konkurransen om anbod, skriv Sogn Avis.
Kommunane i Sogn opplever at flyplassen er viktig for utviklinga av regionen og no vil ordførarane i regionen gjere det dei kan for å få til ei forlenging av rullebana.
– Det er kanskje den viktigaste saka regionrådet har hatt på bordet sitt på lang tid, seier ordførar Olav Lunden i Leikanger til avisa.
Det vil koste litt over 100 millionar kroner å forlengje rullebana, og denne gongen vil ikkje Sognekommunane vere med å ta rekninga.
Dei har tidlegare spytta inn 70 millionar kroner til utbetringar på flyplassen, men ordførarane seier det denne gong må vere Avinor som står for betalinga.
- LES OGSÅ:
- LES OGSÅ: