På styremøtet fredag vedtok styret i Helse Førde at dei vil krevje full kompensasjon frå Helse Vest for dei meirutgiftene dei får som følgje av regjeringa sitt sjukehusvedtak.
- LES OGSÅ:
Usikkert kven som skal ta rekninga
Helse Førde vedtok i fjor sommar å leggje ned ortopedi- og fødetilbodet både i Eid og i Lærdal. Men regjeringa ville det annleis, og har pålagt Helse Førde å ha fødestover ved begge lokalsjukehusa og ortopedi i Lærdal.
Dette vedtaket inneberer langt meir enn kva Helse Førde har budsjettert med og helseføretaket meiner difor Helse Vest må ta rekninga.
- LES OGSÅ:
- LES OGSÅ:
- Uakseptabelt med planlagt underskot
Helse Førde har no rekna på det og meiner dette vil koste dei over 90 millionar kroner i året. Desse pengane vil helseføretaket ha kompensasjon for.
Styreleiar Clara Øberg seier Helse Vest må endre fordelingsnøkkelen slik at Helse Førde får meir pengar.
- Helse Vest må få til ein inntektsmodell som sikrar at vi får kompensasjon for desse kostnadane i framtida, seier Øberg.
- Vi vil ikkje lenger finne oss i å gå i eit planlagt underskot, seier Øberg til NRK.no.
Tidlegare i juni ville ikkje styreleiar Oddvard Nilsen i Helse Vest seie om dei vil ta på seg rekninga. Nilsen sa då at dei ville sjå meir på reknestykket og truleg ta opp saka på eit styremøte den 22. juni.
- LES OGSÅ: