Mika krev no Statens vegvesen for 37 millionar kroner, skriv Bergens Tidende.
Årsaka er at dei møtte på ei rekkje problem under bygginga på riksveg 5. Kontrakten var på 160 millionar kroner og omfatta ein tunnel på 2,6 kilometer, fire rasvollar og 800 meter ny veg. Tunnelen og den utbetra vegen blei offisielt opna 2. november 2009.
– Fjellet var av ein annan type enn det vegvesenet sa i anbodsgrunnlaget. Dermed fekk vi mange stopp i arbeidet og det blei mykje ekstra sikring, seier administrerande direktør i Mika, Truls Evensen til avisa.
- LES OGSÅ:
- LES OGSÅ:
Odd Erik Haugen i vegvesenet var prosjektleiar, og han vedgår at at det blei ein del ekstra arbeid på ein av landets farlegaste vegar.
– Vi meiner at Mika har krav på kompensasjon, men vi er ikkje samde om summen.
Dei to partane har forhandla utan å bli einige og no hamnar saka i retten i oktober.