– Eg kan stadfeste at eg no er forsvarar for ein av dei sikta, seier Furuholmen til NRK.
Hans klient sit for tida varetektsfengsla i Trondheim, og Furuholmen stadfestar at han alt har hatt eit møte med den av dei tre brørne han no er forsvarar for.
Furuholmen overtek dermed for Førde-advokaten Ivar Blikra. Blikra har førebels ikkje vore tilgjengeleg for kommentar.
Dei tre svenske brørne har vore fengsla sidan før jul og må komande fredag på nytt møte i tingretten som skal ta stilling til vidare fengsling.
Vil krevje vidare fengsling
Furuholmen vil ikkje gå inn på om han har rådd sin klient til å krevje å bli lauslatne, eller om han vil godta vidare fengsling. Etter det NRK kjenner vil politiet krevje at dei tre framleis skal sitje bak lås og slå medan etterforskinga held fram.
- Les også:
Det var natt til 25. november naboar varsla frå om brann på det tradisjonsrike hotellet, og bygningen var ikkje mogleg å redde. Politiet starta raskt både teknisk og taktisk etterforsking, og mistenkte eldspåsetjing.
KRAFTIG BRANN: Hotellet i Selje sentrum brann ned til grunnen.
Foto: Alvin HonningsvågOvertok hotellet i 2014
Dei tre sikta har alle hatt ulike roller på eigar- og driftssida på hotellet, etter at den svenske familien kjøpte hotellet ved årsskiftet i 2014.
Strafferamma i tiltalane er fengsel i inntil 15 år.
– Dei er sikta for grovt skadeverk og grovt bedrageri, eller medverknad til det, sa politiadvokat Magnus Engh Juel til NRK då dei tre blei varetektsfengsla første gongen i før jul.
