Berge vart ilagd ei bot på 10.000 kroner etter at skaut jerven i det han hevda var nødverge, men nekta å godta bota.
Førstkommande torsdag kjem saka opp i Fjordane tingrett, skriv Fjordingen si nettutgåve.
LES OGSÅ:
Hadde kurs mot tre sauer
Det var i juli 2008 at Johan Berge og Paul Egge på Strynefjellet for å overvake saueflokken. Berge hadde på dette tidspunktet søkt om løyve til å felle jerven, etter tap på saueflokken. Men løyvet var ikkje var gitt på det tidspunktet Berge gjekk til fjells.
Tidleg på morgonen oppdaga Berge jerven oppe i fjellsida. Til Fjordingen fortalde han etterpå at jerven i forbausande stor fart kryssa ein bre og ei ur på kurs mot tre sauer som ikkje rakk å reagere på angrepet. Frå 50-60 meters hald skaut Berge To skot. Det siste råka jerven i bogen.
Formildande - men bot
Berge har heile tida vore klar på at han skaut i naudverje, noko han også fekk full støtte for av Stryn kommune sin rovdyrkontakt, Ingolf Folven, skriv Fjordingen.
I etterkant av skytinga vart Berge ilagd ei bot på 10.000 kroner. Påtalemakta meinte det var formildande at Berge hadde søkt om fellingsløyve som han ville fått, og at han i tillegg varsla politiet og viltstyresmaktene rett etter at han hadde felt jerven.
– Burde skremt vekk jerven
Men Berge burde skremd jerven vekk i første omgang og venta med å skyte til løyve var gitt, meinte påtalemakta då dei utferdiga bota.
Denne har Johan Berge nekta å vedta.
Fjordane tingrett har sett av to dagar til rettssaka. Retten skal også på synfaring i området der jerven vart skoten.