Det skriv Sogn Avis laurdag.
Det var i 2007 at planane om eit stort kjøpesenter vart lansert. I Nedrehagen, like ved Sognahallen ved riksveg 5, ville Bik Bok-gründeren og kjendisinverstoren Mæle sette i gang ei milliardutbygging.
- LES OGSÅ:
- LES OGSÅ:
Andre senter har bygd og utvida
Men mens Mæle og hans Oslo-basert Sjølyst Utvikling, som eig Nedrehagen AS, førebels berre har vore planstadiet, har Amfi Sogningen blitt utvida fleire gonger. Seinast sist haust utvida storsenteret kraftig.
Nyleg opna også eit nytt senter som mellom anna husar Biltema og Coop Extra, i sjøkanten.
- LES OGSÅ:
- LES OGSÅ:
Til saman 228 nye bustader
No blir planane for Nedrehagen endra, og dei er store:
* 208 hyblar
* 20 ordinære bustader
* næringsbygg med matbutikk
Lokalavisa presenterer i dag planane som vil innebere ikkje mindre enn 10 nybygg på Nedrehagen. Åtte hybelhus, fire leilegheitskompleks, og eit butikkbygg.
Positiv ordførar
Planane er som musikk i øyra på ordføraren. Sogndal har i fleire år har slite med hybelmangel og ein pressa bustadmarknad, der prisane på eigedomar har gått i vêret.
– Mindre leilegheiter og hyblar er politisk noko eg ønskjer velkommen, seier Aarvoll til Sogn Avis.
Trur senter hadde blitt vanskeleg
Med 60 nyetablerte butikkar i Sogndal i fjor, trur Per Odd Grevsnes i Sogn Næring at Mæle gjer rett i å skrinleggje kjøpesenterplanane.
– Eg trur det hadde blitt relativt vanskeleg å realisere dei opphavelege planane. Det er mykje god næring i at vi har bustader, seier han til avisa.