Sist onsdag tok ni år gamle Simon og faren hans, Fkade Thaye, seg inn i landet igjen, etter at dei i september vart utviste frå Norge. No sit begge i kyrkjeasyl i Florø.
- LES MEIR:
Gjensyn med klassen
I dag skal ni-åringen byrje på skulen, og dermed får han sjå att klassen han forlet i september. Torvmyrane skule i Florø har nemleg gjort klart for at Simon kan byrje hos dei.
Ifølgje politiet er det ikkje aktuelt å gripe inn, trass i at Simon og faren er utviste frå Norge.
- LES OGSÅ:
- Det er faren som vaksen person som er vårt fokus her. Vi vil ikkje hindre sonen i å gå på skulen, seier politiinspektør Ronny Iden til NRK.
Glad for å vere tilbake
Saka til Simon frå Eritrea har vekt sterke kjensler i Florø. Niåringen og faren hans fekk tidlegare i år avslag på søknaden om opphald i Norge, og vart i september send tilbake til Italia, der dei var før dei kom til Norge.
Etter å ha budd i Florø i 18 månader, budde dei i Italia under open himmel i ein park.
- LES OGSÅ:
Simon sjølv er no glad for å kunne få vere med klassekameratane sine igjen.
- Det er veldig bra. Eg er ni år, og treng å gå på skulen, seier han.
- Har rett til opplæring
Ved Torvmyrane skule ønskjer leiinga ikkje å meine noko om at Simon er ulovleg i Norge.
I staden tek dei imot niåringen med opne armar.
- Reglane er slik at han har rett til opplæring, og det vil vi gje han. Han er hjarteleg velkommen tilbake på skulen, seier inspektør Øyvind Østrem.
