Det seier politimeister Johan Brekke.
Diskusjon
Men diskusjon om korleis politiet vil halde seg til at dei to sit i kyrkjeasyl vert det.
Politimeisteren seier han vil diskutere saka med UDI.
- Det er vanlega at politiet ikkje grip inn i kyrkjeasylsaker, seier Brekke.
Kontaktar UNE og UDI
VED STORTINGET: Kåre Leif Hollevik og Bente Frøyen Steindal (t.h.) utanfor Stortinget tidlegare i haust då dei leverte over fire tusen underskrifter til regjeringa. Arkivfoto.
Ordførar i Florø Bente Frøyen Steindal har engasjert seg i saka, og håpar dei to eritreiske flyktningane får bli i Florø. Arkivfoto.
Foto: Merete Husmo Høidal / NRK- Vi vil ta kontakt med ansvarlege myndigheiter i slike saker, og diskutere med dei korleis vi skal handtere denne saka. Og vi vil ha løpande kontakt med dei om dette, seier politimeisteren.
Simon og Far hans var utviste frå landet for knapt tre månader sidan etter at dei hadde fått avslag på alle søknader og ankersaker om å få vere i landet.
Ordførar vil la dei bli
Uvisningssaka har skapt sterkt engasjement langt uover Florø i hovudsak avdi ein 9-åring var involvert, og at han hadde blitt godt integrert i Florø-samfunnet gjennom halvanna år.
Flora-ordførar Bente Frøyen Steindal seier det er lite ho kan gjere slik saka er no.
- Eg kan ikkje gjere noko med dette no. Men eg har vore engasjert i saka, og eg håpar at det vil løyse seg til det beste for dei to, seier Frøyen Steindal.
Lykkeleg utgang for Steindal betyr at dei får vere i Florø. Ho har også stor forståing for soknerådet som har late dei få kyrkjeasyl.