Simon og faren har gått under jorda i Sverige - Florø-kvinnne uroa

Simon (11) og faren blei tvangssende til ein italiensk by i fjor, til sterke protestar frå lokalsamfunnet i Florø.

For etter halvanna år på skule i Florø, hadde han lært seg norsk og fått venner. Så fekk faren avslag på asylsøknaden. Dei to måtte tilbake til Italia, det første europeiske landet dei kom til etter flukta frå i Eritrea.

• LES OGSÅ: Endeleg avslag for tiåringen Simon
• LES OGSÅ: Her blir Simon (10) sendt ut igjen

No har Simon blitt 11 år og nyleg dukka dei to opp i nyheitsbiletet i Sverige. Firdaposten kunne vise til avisa Søderhamns-Kuriren hadde stort oppslag på at Simon og pappa Fkadu gøymer seg i Sverige.

Svenske styresmakter har sagt nei til opphald, og far og son har no gått i skjul på ulike stader.

• LES OGSÅ: Endeleg avslag for tiåringen Simon
• LES OGSÅ: - Tshaye bad ikkje Italia om hjelp

Fryktar for framtida hans

I Florø fryktar den gamle husverten deira, Marit Melvær, for framtida til guten.

– Eg tykkjer det er ei tragedie. Simon er ein veldig skarp unge. Han har føresetnader til å bli ein bra samfunnsborgar, men det er klart at når han skal farte rundt slik som dette, så blir han øydelagd.

– Du har vore tett på dette Kva tenkjer du om korleis asylapparatet verkar?

– Det er eit veldig vanskeleg spørsmål, men eg tykkjer at borna blir teke altfor dårleg vare på. Eg tykkjer det er ei skam for Norge at vi skal behandle eit barn på denne måten.

• LES OGSÅ: Aksjon for ni år gamle Simon
• LES OGSÅ: - Asylborn kan få livet øydelagd

Kunne tenkt seg å bli fostermor

Sjølv kunne ho tenkt seg å ha Simon i fosterheim for å sikre framtida hans.

–Då ville han vore sikra ei skikkeleg oppfølging. Det hadde eg teke imot på dagen om det var mogleg.