Historisk semje i bussoppgjeret

For første gong sidan bussbransjen vart innført, vart partane i lønsforhandlinga samde utan mekling.

– Vi hadde forventa det skulle gå til mekling, så det er gledeleg, seier Tore Even Øvretvedt, bussjåfør i Firda Billag og hovudtillitsvalt i Yrkestrafikkforbundet.

Bransjen får auka timeløna med 11 kroner. Auka per time består av eit generelt tillegg på sju kroner pluss eit normallønstillegg på fire kroner. Resultatet er i tråd med frontfaget si råme på 5,2 prosent.

Sjåførane er nøgde med resultatet som no skal til uravstemming.

– Eg blir veldig forundra om dette ikkje går igjennom, seier Øvretvedt.