– Vi var ute på sykkeltur og såg dei tilfeldigvis. Dei heldt på slik så lenge vi var der og det var i om lag ti minutt, seier Bendik Weltzien.
Hoggormen vart observert ved Grytingane i Selje kommune. Heile familien på åtte var ute på tur då to av dei såg hoggormane.
– Vi vart ståande å sjå på dei ei stund. Det er ikkje alle i familien som er like begeistra for hoggorm, seier Weltzien lattermildt.
Allereie for to veker sidan vart årets første hoggorm sett i Sogn og Fjordane.
– I fjellet kan du treffe på opp mot 20 hoggormar som har samla seg. Dei finn du ofte på stadar der folk set seg ned for å nyte sola, sa forskar og hoggormekspert ved NTNU, Dag Dolmen ved NTNU då.
