Sogndal Fotball møtte Løv-Ham på bortebane laurdag, men kampen vart ikkje lang for årdølen Henrik Furebotn. Etter berre eitt minutt vart han takla, og måtte forlate bana.
- LES OGSÅ
Dramatisk
Til Bergens Tidende seier Furebotn at han skulle motta ballen då Løv-Ham-spelar Jean Alassane Mendy kom dundrande inn i han.
Ifølgje avisa såg situasjonen dramatisk ut sidan Furebotn vart liggjande og vri seg i smerte. Det var ikkje frispark til sogndølene, noko som fekk Sogndal-trenar Harald Aabrekk til å rase.
Sogndal vann kampen 2-0, og er klare for seriestart i Tippeligaen neste helg.
- OVERSIKT: Desse spelarane er skadde
Slit med skader
Sogndal har den siste tida slitt med ein del skadde spelarar. Skadeplaga Espen Næss Lund vart sett på bana i andre omgang, og fekk dermed prøve seg i den viktige generalprøva.
Furebotn er truleg tilbake på trening om nokre dagar.
– Eg klarer ikkje reise meg skikkeleg og eg går som ein 90-åring, sa han til Bergens Tidende laurdag kveld.