Harastølen, som tidlegare var tuberkolosesanatorium, har forfalle jamnt og trutt med åra. Fleire eigarar har vore inne, utan at det har ført til at bygningsmassen har vorte halde ved like.
I vår vart eigedommen lagt ut på Finn.no for 1 krone. Det pirra nysgjerrigheita til paret som bur i Lofoten.
– Det er slike ting eg fell for. Så eg såg på den og tenkte, det kjøper vi, seier Morten Solem (38) til avisa firda.no.
Vil setje det i stand
Paret vil flytte frå Lofoten til Luster for å setje i stand bygningane slik dei var for 110 år sidan.
– Den drivande faktoren er historia til sanatoriet. Det var den som gjorde oss interesserte i prosjektet. Vi tykkjer det er tragisk at norsk historie skulle forsvinne for oss, seier Solem til firda.no
Dei ønsjker å starte eit helsesportsenter for alle aldrar, men med hovudvekt på habilitering og rehabilitering av barn og unge med ulike diagnosar, syndrom og funksjonshemmingar.
– Vi må få meir oversikt over området og bygget. Og vi vil ta imot heile familiar, ikkje berre ungane, seier Solem.
(Artikkelen held fram under videoen)
- LES OGSÅ:
- LES OGSÅ:
Ber folk donere pengar
På nettsida si ber dei folk som ønskjer å bidra med ein av Noregeshistorias kanskje største og viktigste renoveringar gjennom tidene, donere pengar.
Til firda.no fortel paret at dei ikkje har ein eksakt sum for kva det vil koste å ordne opp att bygningane, men at dei er godt i gang.
– Vi har fått finansiering nok til å komme godt i gang. Det kjem frå fleire instansar, ein del eigenkapital og ein del frå andre bidragsytarar, seier Solem.
- LES OGSÅ:
- LES OGSÅ:
Var vedteke rive
Harastølen var ein gong eit av dei største spesialsjukehusa i Norge. Tørt klima, furuskog og tynn fjelluft skulle hjelpe mot folkepesten tuberkulose.
Harastølen blei reist i 1902 og tuberkulosepasientar fekk behandling her heilt til 50-talet. Etter dette var det psykiatrisk sjukeheim og asylmottak, før det blei folketomt på starten av 90-talet og forfallet starta.
Både politikarane i Luster kommune og eigar Tinfos har gått inn for å rive bygget. Kommunen har i det lengste håpa at nokon skulle vere interesserte i Harastølen.
Tidlegare i sommar sa administrerande direktør i Tinfos at eigedommen ikkje kom til å bli selt over natta, og at det var viktig at dei som eventuelt skulle kjøpe bygget, var seriøse nok.
- LES OGSÅ:
- LES OGSÅ: