Går på slak line for å bli best

– Eg har det aldri keisamt på trening, seier 21-åringen frå Hornindal.

Etter at sesongen er over tek han i bruk litt uvanlege metodar for å bli ein betre skihoppar, nemleg å gå på slak line. Dette er for å styrke balansen.

– Balanse er jo alt i skihopping, og det er jo ikkje alltid den er på topp, seier skihopparen.

Slutt på sesongen

Sjølv seier han at han er nøgd med utviklinga han har hatt denne sesongen, sjølv om det ikkje berre har vore oppturar.

– Eg hadde ein trå start på sommaren, og eg hadde ikkje så store forventningar. Det kan vere tungt å ha ein god andresesong, men eg er nøgd med korleis det har gått. Det gjekk kanskje ikkje like bra på slutten av sesongen i år, men eg er nøgd.

• LES OGSÅ: Nok ein nedtur for Fannemel
• LES OGSÅ: Ingen andreomgang på Fannemel

At folk har store forventningar til han tenkjer han ikkje mykje over.

– Eg har jo hatt dei same forventningane til meg sjøl no som eg hadde før fjorårssesongen, så eg bryr meg eigentleg ikkje så mykje.

(Artikkelen held fram under biletet).

Keisamt å ikkje komme til VM

Å ikkje kome til VM seier han var skuffande, men no har han andre fokus.

– VM har vore det langsiktige målet mitt, men med fem som hoppa betre gjekk det ikkje den vegen.

• LES OGSÅ: Fannemel skuffa over VM-uttak

I OL i Sotsji neste år har han store planar om å vere med.

– Eg veit at når eg hoppar bra, så er eg inne på laget. Eg har nok utvikla meg endå meir som skihoppar til neste år, seier Fannemel.