Felgfabrikken gjekk
, men etter tingingar med DnB NOR fekk verksemda pengar til drift i ein månad til.Men no har bustyret levert oppseiingane, seier Erik Flæthe, som er hovudtillitsvald ved Fundo Wheels.
Dette betyr at det ikkje er noko automatikk i at dei tilsette ved Fundo stiller først i køen om det kjem inn nye eigarar og eit nytt selskap som held fram med felgproduksjon i Høyanger. Dei nye eigarane kan derfor velje å vrake kven dei skal tilsette.
- Men vi håpar vi kan vere med å bidra i den samanhengen, for vi føler vi har litt å bidra med, seier Flæthe.
Fleire interesserte i å drive vidare
Mellom dei interesserte er Europas største felgprodusent, Borbet, som allereie har vore på synfaring.
- Mange ser kanskje på dei som den beste løysinga. Dei har lukta på Fundo før. Eg trur både vi og Borbet kan dra nytte av vår felles måte å gjere ting på, seier Flæthe.
Har ikkje tru på berre hybridhjulproduksjon
Fram mot konkursen var det om lag
. Ved produksjon av det nye hybridhjulet vil ei eventuell ny verksemd truleg trenge rundt 100 tilsette.Flæthe trur ikkje det berre blir produksjon av hybridhjul i ny bedrift.
- Det er opp til kundane og kva dei har behov for at vi produserer. Eg ser ikkje moglegjeita for å drive bedrifta vidare utan ein viss form for tradisjonell hjulproduksjon, seier fagforeiningsleiaren.