Før helga kom Arbeiderpartiet med kraftig kritikk av Høgre og måten dei framforhandla ein intensjonsavtale om kjøp av sjukehusbygget for fem millionar.
- LES OGSÅ: Historia til nærsjukehuset
Bolstad seier han fryktar at all uroa skal forseinke prosessen kring sjukehusbygget i Florø.
– Bekymringa mi går på at prosessane etter mitt skjønn tar unødig lang tid. Vi er veldig interesserte i å vite no om kommunen vil kjøpe bygget. Det handlar både om våre tilsette og det handlar om prosessar med å finne anna areal i Florø.
– Eit sololøp
Etter planen skulle bystyret ha handsama avtalen torsdag denne veka, men saka vart utsett til førstkommande tysdag. Det skjedde etter at eit klart fleirtal i formannskapet sa nei til avtalen.
KRITISK: Bente Frøyen Steindal.
Foto: Merete Husmo Høidal / NRKTidlegare ordførar, Bente Frøyen Steindal, retta fredag følgjande regle mot etterkommar Bengt Solheim-Olsen og partiet hans.
- LES OGSÅ: Vil spørje Helseministeren om Florø
– Utan noko mandat frå bystyret og utan å informere bystyret, har enkeltpersonar i Flora Høgre forhandla seg fram til ein avtale med Helse Førde. Dette er eit sololøp utan sidestykke, sa ho.
Vanskeleggjer
Kritikken blir avvist av Solheim-Olsen.
- LES OGSÅ: Vil rive eldste delen av sjukehuset
STRID: Det er lokal strid i Flora kring kommunen sine planer om å kjøpe sjukehusbygget i Florø.
Foto: Ottar Starheim / NRK– Dersom Arbeidarpartiet seier nei til ein intensjonsavtale med Helse Førde som er vesentleg betre enn det Arbeidarpartiet prøvde å presse igjennom for to år sidan, så viser det at det er viktigare for Arbeidarpartiet å kritisere Høgre-ordføraren sitt arbeid enn å finne gode og konstruktive fellesløysingar for Flora kommune, sa han.
Bolstad seier at når kommunen på ein måte signaliserer ynskje om å kjøpe, så gjer dette jobben for Helse Førde vanskelegare til meir dette trekkjer i langdrag.